Uitziko leize-meatzea eta Hollineko gunea
Otxola taldeko lagunen konpainian eta Philippekin batera, ipar nafarreko meatze-gunean izan nintzen irteera berri honetan.
Uitzi-ko leize-meatzearen lur azpiko gunean bete genuen goizeko jardunaldia. Barrunbearen sarrera, zilardun galenako mea-ustiategi zahar baten inguruan kokatzen da, Basakaitz bezela ezagutzen den parajearen inguruan.
Dimentsio handiko isurbide aktiboa. Aurkitzeko erraza. Morfologi bertikala, 175m-ko desnibelarekin. Aho naturalen ondoan, meategi sarrera bat aurkitzen da, 35m-ko arrapala maldatsuekin, bertikal berarekin barnean komunikatzen dena. Galeria artifizialak naturalekin nahasten dira eta gehienak egoera txarrean daude, erroizteengatik bere esplorazioa arriskutsua eginez. Oraindik meatze-jarduera zaharraren hondarrak ikus daitezke.
Arratsaldean, Goizuetatik hurbil aurkitzen den Hollineko gunera itzuli ginen. Meategi-galeria berriak esploratu genituen, lau pisu jaitsiz, barnetik jariotzen den ura desagertzen den sifoiraino. Meatze-jarduera hondar asko aurkitzen dira, bagonetak, errailak, etab…, baina beheko galeria hauetan aurkitzen diren pisoliten kantitatea izan zen ikusgarriena eta atentzioa eman zidana.
